Hoxe despois da asamblea, démonos conta de que faltaba o noso amigo crocodilo Tic-Toc. Pero, atopámolo debaixo da pirámide cunha sorpresa para nós.
Tróuxonos dúas fotos do río onde vive el en Exipto, que xa descubrimos que se chamaba NILO e que ten a letra do noso amigo Nacho.
Tamén escribiunos explicándonos moitas cousas sobre o Nilo: é o 2º máis longo do mundo; foi moi importante para a vida en Exipto, pois coñecemos que cando se desbordaba axudaba a que os cultivos dos campos medraran e así ter comida, tamén os exipcios/as podían pescar peixes para comer. O Nilo era importante tamén para transportar cousas como alimentos, materiais para a construción,... e o facían cuns barcos chamados FALUCAS.
Aprendemos moitas cousas sobre Exipto e o Río Nilo, pero o que máis nos gustou foi que nel hai CROCODILOS e HIPOPÓTAMOS!!
Ademáis, vimos outras fotos na pantalla máxica que nos trouxo a profe Patty.
Que divertido é isto de investigar e canto aprendemos grazas a TIC-TOC!
Pero, aínda nos queda moito por facer e seguiremos traballando máis para coñecer todo sobre O ANTIGO EXIPTO!
No hay comentarios:
Publicar un comentario